AYA FAROUK HASHIM

فى زمن ان تكون فيه صاحب بلوج كان تكون من" الاعيان" زمان ..كان لازم ارضخ

لقطة بحبها ف فيلم باب الشمس لما نهيلة بتقولهم :"من الاول"..مش عيب تبتدى من الاول ..بس لما تكرر نفس الغلطات اللى وصلتك للنتيجة دى تبقى حمار

‎:D‏

نتاج ورشة افلام الدقيقة الواحدة على هامش مهرجان بين سينمائيات (الاخر) لعام 2011 - بالقاهرة

نتاج ورشة افلام الدقيقة الواحدة على هامش مهرجان بين سينمائيات (الاخر) لعام 2011 - بالقاهرة تحت اشراف : امل رمسيس --------------- شارك فى الورشة: -------------- ياسمين امام-سلمى امير سالم-سارة امير سالم - جيهان مصطفى - ياسمين وادى - امال مأمون (ام عبد الله)-هادية العطار-سلسبيل بسيسو-اية فاروق هاشم-اميرة ماهر - بسنت عماد

فيلم جنة الشيطان

مأخوذ عن قصة امرأة غليت الشيطان لتوفيق الحكيم شارك بمهرجان راهب الفكر توفيق الحكيم بساقية الصاوى وحصل على المركز الثالث بطولة : حمدى ندا ايه فاروق هاشم و علاء عزت مونتاج : محمد صابر مدير تصوير : حسن الرصاص انتاج : حياة جلال اخراج : نورهان متولى (يمكنك الضغط هنا لمشاهدة الفيلم فى نافذة اكبر)

فيلم كدبة ابريل

فيلم قصير مصور بالموبايل فى اطار الورشة التى اقيمت على هامش مهرجان افلام الموبايل الدورة الثانية 2008مع فرقة حالة - مصر الفكرة و التنفيذ اخدوا يومين ,طبعا فى اخطاء لا باس بيها بس كانت تجربة مهمة بالنسبة لنا جميعا من حيث اكتشاف اليات تصوير باستخدام الموبايل و التعامل مع اكبر مشكلة لدى كل صانعى الافلام و هى التمويل و تأجير معدات..مظنش اننا اتكلفنا حاجة تذكر فى الفيلم ده فكانت طريقة عملية للغاية للتدريب على صناعة الافلام مجموعة العمل :اسماء العماوى - اية فاروق هاشم -عز درويش تمثيل :عصام عبد الله-محمد ابو الفتح-احمد صلاح-محمد اسلام اشراف :ايمن عبد الرؤوف-احمد مصطفى-على خميس الفكرة : صنع الفيلم فى ذكرى صحوة الشعب فى اول و اكبر اضراب سلمى فى مصر (6ابريل 2008) و يحكى عن عن 3 شباب غير مدركين لالية هذا النوع من الاضرابات سوى بارتدائهم الملابس السوداء و انتظارهم لاى مظاهر تجمهر ..فهل يجدون ما يبحثون عنه ؟ (يمكنك الضغط هنا لمشاهدة الفيلم فى نافذة اكبر )

فيلم وجوه - جزء من مشروع تخرجى

فيلم وجوه جزء من مشروع تخرجى " مجتمع .كوم " ( مجتمع دوت كوم هو برنامج قمنا بعمله تحايلا حتى تتاح لنا فرصة عمل دراما) قسم الاعلام بكلية اداب جامعة عين شمس ( تليفزيون ) عام 2006 اول تجربة فيديو لى , فانتازيا, تم تصويره ببيتا كام و قلت اطلعه بيدى لا بيد عمر علشان محدش يعمل فيا زى اوليفر ستون و يبقى يطلعلى شغلى الزبالة لما اعمل حاجة كويسة ان شاء الله بعدين D: (ملحوظة هامة : اتحمل مسئولية هذا الفيلم بكل اخطاؤه بصفتى مخرجته و ما سيجىء من قصص متعلقة بهذه التجربة هو من باب تبادل الخبرات عسى ان يستفيد منه احد و يأخذ حيطته فلا يقع فيما وقعت فيه , فانا مقتنعة انها تجربة متربة ,لا يمكن ان تحاول تنظيفها دون ان يصيبك الوسخ فسأحكيها كما هى)... اخيرا بعد مرور هذا العدد من السنين خف حنقى على هذة التجربة المكئبة ( لدرجة انى كنت مصرة اكرره تانى و اعيده زى ما انا كنت عاوزة ) حيث تم نهبى و فريق عملى فيها من قبل مدير تصوير معدوم الضمير و الاخلاق و تسبب لنا فى مشكلة مادية ضخمة فكنت هضطر ارمى الشغل اللى اتعمل كله فى الزبالة..الراجل رغم المبلغ اللى اخده فى البداية لقيته بيجبلى مصاريف اكله و مواصلاته و اتصالاته !! و اضطريت ارمى لقطات كتير جدا علشان ظل سيادته على الحيطان و خاصة لان المونيتور اللى جابهولى فى يوم نسيه و فى يوم كان بايظ فاشتغلنا عميانى و كنت اشرح اللقطة و اجى اشوفها فى المونتاج الطم ,فقد ضرب بالديكوباج عرض الحائط و لم يكن المونتاج مونتاجا بقدر ما هو كان عملية انقاذ ما يمكن انقاذه بناء على ما هو موجود.. و فى لقطة فوجئت بانى طالعة فيها صدقونى مش حب ظهور بس شرحها انى مش فى مجال الكاميرا خالص و لا انا اللى مش طامر فيا ان الراجل بيظهرنى ,مش كده, فيها ايه يعنى هو مش فيلمى !! .. ده غير الصوت اللى اقنعنى انه عارف بيعمل ايه هو و المساعد بتاعه فاضطريت اجيب الممثلين تانى و اكلف يوم كمان و سجلنا الصوت على ليبسينج الفيديو فى ستوديو صوت و فى اكتر من جملة عملهم محمد عبد الفتاح و لعبنا فيهم فى الستوديو قال يعنى لاشخاص مختلفين!! و فى الاخربعد التصوير قاللى بتوع الفوتوغرافيا عاوزين فلوس اكتر و الا مش هيجيبوا الشغل !! و كان بيقوم ما بينا دايما علشان يبينلى انه واخد صفى!!.. و انا كنت مع اننا نصور بنفسنا لكن الاغلبية رفضوا و فضلوا مدير تصوير محترف علشان يرفعنا بس قدر الله و ما شاء فعل و رغم عددنا الكبير لكن الشغل كله كان مرمى عليا ثم على رنا و المذيعات عملوا الجزء بتاعهم و الاتنين كانوا متجوزين جديد وواحدة حامل و شيرين برضه كانت بتحاول على قد ماتقدر داليا عملت حاجة تقريبا و عملت منها قبة و ..يلا فى واحدة كانت معانا اسمها دينا مكملتش معانا بس كانت مثال فى التحضر و الرقى فى انسحابها و فى حد اخدته مجاملة و اتضح فداحة ما قمت به فى حق نفسى لاحقا :D .. الباقيين مش فاكرة اساميهم بجد !!! بشوفها على التتر و اشوف صورهم بس مش عارفة العب لعبة التوصيل على ما اتذكر كانوا ماسكين جزء التنبلة فى المشروع ( فى واحدة سابتنا و احنا بنصور فى يوم الكافيه و الخارجى علشان تعمل شعرها عند الكوافير ) !! من ذكرياتى عن يوم الخارجى كنت طالبة منهم يجيبوا طقمين معاهم علشان استغل ده كانهم اشخاص مختلفين فى الشارع عن فى الكافيه .. لكن هذا انا فقط اتمنى .. و رغم اختيار يوم اجازة رسمية علشان التصوير الخارجى بس ده ميمنعش ان فى بوكس عدى علينا فاختفينا شوية عند العمارات اللى ورا و هما بردوا اكيد مصدقوش كمية البلياتشوهات اللى فى الشارع فارجعوا ده للاجهاد و كل واحد من اللى فى العربية تلاقيه خاف يتكلم ليكون هو بس اللى شايف بلياتشوهات و اتجنن .. اه و على فكرة طبعا مكانش معايا تصريح بالتصوير بغض النظر عن البلياتشوهات كل الماسكات اللى فى الفيلم عاملاها يدوى وحرصت ان مفيش واحد فيهم يكون شكل التانى, منهج حنتفة بحت و مع ضياع الريزوليوشن مسخ كله .. الماسكات دى اصلا ماسكات باور رينجر ملونة بعد ما دخنا على ماسكات سادة ملقيناش كلهم اخدوا طبقة بوية بيضاء و بعدين اتلون عليهم و كنت فى الفترة دى بنزل علطول بجوانتى لتشوه يدى من البوية و لكننى استمتعت بصناعتها كثيرا فى الكاستينج نقيت الراجل و الست لدور الاب و الام و بالصدفة طلعوا متجوزين بجد !! الممثلة محجبة فكلمتنى و قلتلها انى معنديش مانع ففوجئت انها جت بجلابية نص كم ! و بالنسبة لدور الاخ ملقتش حد مناسب ففى مكتب الكاستينج اكدولى انهم هيبعتولى حد مناسب ففوجئت ان الولد فعلا شكله مناسب بس ده كان اول دور ناطق يعمله قبل كده كان بيعمل اعلانات فده طبعا تعبنا .. و على فكرة بقى كان فى بنات من معانا بيعاكسوا الولد ده ,بس يلا ربك ستار حليم مونتاج الفيلم ده كمان حكاية ليها العجب : فالفيلم قام بمونتاجه انا و محمد عبد الفتاح (محمد زيد ) و ستوديو فى مصر الجديدة (قعدنا للفجر و الكهربا ضربت عندهم فروحنا و رحنا تانى يوم ) و عند فدوى مواهب (هما اللى قفلوه بعد عذاب ) و عند صديقتى رنا رياض فى البيت و كاد يصيبنا بانهيار فالفيلم لما يخش على اى جهاز منعرفش نخرجه من عليه ولا بالطبل البلدى غير بعد ايييه و انا مش عارفة افسر ده لحد النهاردة و مشاكل فى الرندر و بعد كل عملية الريزوليوشن يتدحضر و لو قلت ان النسخة المرفوعة ريزوليوشن منخفض و ان الفيلم الاساسى اللى عندى اعلى بكتير ابقى كدابة و برضه بتوع الكافيه حاولوا ينهبونا بنقض الاتفاق بينا و محاولات تدبيسنا فى طلبات بينزلوها عشوائى من نفسهم على الترابيزات وانا مش ملاحقة و فى ناس من جمهور الكافيه من طرف صديقة لينا حاولوا يستغلوا الوضع بس هى بصراحة خلصتنا من الحرج ده بانها دفعت حسابهم من جيبها الشخصى بعد كل اللى حكيته ده عاوز تنتقد الفيلم .. قلبك ابيض لكن رغم كل شىء يظل شعورى عند عرض العمل و استقبال الطلاب له فى حفل مشاريع التخرج لا يقدر بمال فقد نجح فى جذب انتباه الناس و ساد الصمت طوال مدة عرضه و ده شىء اعجوبى فى مدرج به حوالى 1000 فرد او يزيد من طلاب و اساتذة و معيدين و اهالى و اطفال على فكرة الفيلم مكسبش اى جوائز .. البعض بيرجع ده ان الاساتذة الافاضل اللى حكموه لم يفهموه " لجنة تحكيم الاعمال لقسم التليفزيون هى الوحيدة المجهولة للجميع بس الكل بيأكد انهم نخبة من العاماين بالمجال " .. و البعض ارجع ذلك لاسباب سياسية لبعض الاحداث التى حدثت بينى و بين ناس "مهمين " فى القسم و تمثل ذلك فى ان الفيلم و الاعلان مكانوش هيتعرضوا اصلا فنجحت فى عرض الفيلم و فشلت فى عرض الاعلان و بغض النظر عن مستوى الحاجات التانية اللى اتعرضت - لان فى ناس من اللى كسبوا فعلا انا بحبهم و كان لازم شغلهم يكسب ..و انا عندى ليسته محترمة مضحكة مبكية باخطاء و عيوب الفيلم اكتر بكتير من كل ما ذكرته سلفا - كانت كل امنيتى ان يكون استبعد لردائته و حسب .. و بعد هذه المدة الان .. حقا لا ابالى مطلقا (يمكنك الضغط هنا لمشاهدة الفيلم فى نافذة اكبر )

AYA FAROUK HASHIM

فى زمن ان تكون فيه صاحب بلوج كان تكون من" الاعيان" زمان ..كان لازم ارضخ

الخميس، 19 يناير 2012

ليست هناك تعليقات:

صورتى

من أنا

التسميات

أرشيف المدونة الإلكترونية

قائمة المدونات الإلكترونية

روابط

My Twitter Updates

Facebook Badge

......................ضربوا الاعور على عينه قال .

"Amal" Directed by Mohamed Fawzy ,Edited by me

نتاج ورشة افلام الدقيقة الواحدة على هامش مهرجان بين سينمائيات (الاخر) لعام 2011 - بالقاهرة

فيلم جنة الشيطان

فيلم كدبة ابريل

فيلم وجوه - جزء من مشروع تخرجى

باحث جوجل للبلوجرات

بحث هذه المدونة الإلكترونية

YA WELCOME