كله لك

لم يكن يعرفها جيدا و لكن ما المانع , مال عليها ثم قال بصوت خفيض رخيم فى خطوة سهوكة كلاسيكية ما ظن انها قد تغترى به " على فكرة انا مقتنع تماما ان البنت اللى ارتبط بيها لازم اكتبلها كل حاجة باسمها " فاعتدلت فى جلستها .. و قالت " مش اما يبقى حيلتك حاجة الاول و بعدين تبقى تكتبها ولا متكتبهاش .. يا اخى انت لاقى تاكل" قالتها و هى تربع زراعيها و تشيح بوجهها فى محاولة واضحة لكتم ضحكاتها

ثم استدارت فى مواجهته كانها لم تنتهى منه بعد و اردفت " يا ابنى انت كبيرك تتجوزلك حاجة صينى كده "
فرد و قد تحول وجهه لالوان من غير المعتاد ان تكون على وجوه البشر " ياااا رييييييييت و اكيد هيبقى اريح "
ببرود قالت ما كانت متأكدة انه سيصيب رده فى مقتل " ده حتى الواحدة منهم ب 85 جنيه بس ترجع لانج , يا بلاش"
"تخيل ترجع كده البيت فى يوم تلاقيها جايبة ناس كتير و بتبيع كل حاجة فى البيت و عمالة تخمس فى وشوش الناس و تقولهم دى حمسة حمسين (55) هاهاهاهاهاها "

اسند يده على وجهه " خلصتى "

سادت ثوان طويلة من الصمت الثقيل .. ثم ضحكا سويا